Լաբորատորիա / Ախտորոշման կենտրոն
«ԷկոՍենս» ՍՊԸ-ն հիմնադրվել է 2009 թ․-ին և ներկայումս հանդիսանում է Հայաստանում առաջատար լաբորատորիաներից մեկը, որն ունի կայուն դիրք առողջապահական ոլորտում: Ի թիվս Երևան քաղաքում գտնվող 7 մասնաճյուղերի՝ «ԷկոՍենս» լաբորատորիան ունի թվով յոթ գործող և ակտիվորեն զարգացող մասնաճյուղեր՝ Գյումրի, Գավառ, Վանաձոր, Կապան, Մարտունի, Հրազդան, Իջևան քաղաքներում:
Լաբորատոր ծառայությունների մատուցման ոլորտում կատարելության հասնելու մեր ձգտումը մշտապես պայմանավորված է եղել ազգաբնակչության համար ամենաբարձր որակի ծառայությունների մատուցման հնարավորության ապահովմամբ: Այսօր հպարտությամբ կարող ենք ասել, որ «ԷկոՍենս»-ը հանդիսանում է առաջին և միակ լաբորատոր ախտորոշիչ կենտրոնը Հայաստանում, որն ունի TÜVRheinland միջազգային կազամակերպության կողմից շնորհված ISO 9001:2015 որակի կառավարման սերտիֆիկատ, որով հավաստվում է որակի միջազգային չափանիշներին համապատասխան՝ բարձրակարգ լաբորատոր ծառայությունների մատուցման մեր կարողությունն ու հնարավորությունը:
- Առաքելությունը.
«ԷկոՍենս» ախտորոշիչ կենտրոնն իր շահառուներին մատուցում է միջազգային ստանդարտների պահանջներին համապատասխան որակյալ և արդի ախտորոշիչ ծառայությունների լայն ընտրանի, հաշվի առնելով դրանց պահանջարկը բժշկագիտության մեջ և դարձնելով հասանելի՝ ՀՀ տարածաշրջանում:
- Տեսլականը.
Գրավել առաջատար դիրք՝ հարավկովկասյան տարածաշրջանում, որակյալ և նորարական մոտեցումներով մեծ ներդրում ունենալ և խթանել բժշկագիտության զարգացմանը:
- Արժեքները.
Օրինականություն, անվտանգություն, ազնվություն, վստահություն, մարդասիրություն, բարձր պատասխանատվություն, շահառուկենտրոնություն, խտրականության բացառում, էթիկայի և գաղտնիության պահպանում, ապացուցահենություն ու գիտահենություն, հետազոտական արդյունքների ճշգրտություն, հավաստիություն և անժամանակավրեպություն։
Նպատակները.
- մատուցել ճշգրիտ, հավաստի և անժամանակավրեպ ախտորոշիչ ծառայություններ, շարունակաբար ընդլայնել դրանց ընտրանին, դարձնել աշխարհագրորեն հասանելի՝ ՀՀ տարածքում, հնարավորինս բացառել և/կամ նվազեցնել ծառայությունների որակի և անվտանգության վրա ներազդող ռիսկերը, ապահովել դրանց իրականացման որակի ու անվտանգության վերաբերյալ երաշխիքները,
- շարունակաբար բացահայտել շահառուների կարիքները և բարձրացնել վերջիններիս բավարարվածությունը,
- ընդլայնել նորարական արդի տեխնոլոգիական լուծումները, ապահովել դրանց պատշաճ կիրառումը՝ հաշվի առնելով և նվազեցնելով ռիսկերը,
- պահպանել անձնական և բժշկական տվյալների գաղտնիությունն ու ամբողջականությունը,
- շարունակաբար բարելավել գործընթացները,
- ներգրավել համապատասխան քանակի կոմպետենտ մարդկային ռեսուրսներ և շարունակաբար զարգացնել նրանց կոմպետենցիաները:
